मुल्मी सम्मानित

काठमाडौ
नेपाल बाल संगठन, काभ्रेका सभापति, जिल्ला बाल कल्याण समिति, काभ्रेका अध्यक्ष एवम् बाल मन्दिर आधारभूत विद्यालयका विद्यालय व्यवस्थापन समितिका अध्यक्ष रामकुमार मुल्मी राष्ट्रिय बाल दिवसको अवसरमा सम्मानित भएका छन । लामो समय देखि बाल बालिकाहरुको क्षेत्रमा कार्य गर्दै बाल अधिकार संरक्षण र सम्वद्र्धनको क्षेत्रमा विशेष योगदान पु¥याएको भन्दै उक्त योगदानको उच्च कदर गर्दै नेपाल सरकारको तर्फबाट राष्ट्रिय बाल दिवस २०७३ को अवसरमा विषेश समारोहका बीच सम्माननीय राष्ट्रपति विद्यादेवी भण्डारीले बाल कल्याण समिति राष्ट्रिय पुरस्कारद्वारा सम्मानित भएका हुन् ।
रामकुमार मुल्मीले धुलिखेल स्थित बाल मन्दिर आधारभूत विद्यालयको शैक्षिक क्षेत्रलाई गुणस्तरीय बनाई जिल्लाकै उत्कृष्ट विद्यालयमा पर्नुमा उनको अनुकरणीय योगदान रहेको छ । विगतमा नेपाल बाल संगठन, केन्द्रिय कोषाध्यक्ष, हाल नेपाल बाल संगठन, काभ्रेका सभापति एवम जिल्ला बाल कल्याण समिति, काभ्रेको अध्यक्ष पदमा रहेर व्यक्तिगत स्वार्थ भन्दा पनि समाजको विकासमा चिन्तनशील रहिरहने स्वभाव रहेका मुल्मीले शिक्षाका क्षेत्रमा पनि महत्वपूर्ण विचार, दर्शन प्रस्तुत गर्दै बाल मन्दिर आधारभूत विद्यालयको शैक्षिक गुणस्तरताको विकासमा अहोरात्र खटिरहेका छन् । उनले बाल अधिकार समाजसेवा तथा शैक्षिक क्षेत्रमा गरेका अमुल्य योगदानलाई मनन गर्दै राष्ट्रले सम्मान गरेको छ त्यो सम्मान नै उनको हौसला हुनेछ जसले सिंगो नेपालको बाल अधिकार तथा बाल मन्दिर विद्यालयको शैक्षिक नमुना विद्यालय बनाउन निकै प्रोत्साहन दिएका छन ।