काभ्रे । आकाश भैरब क्लबको आयोजनामा मेयर कप फुटबल प्रतियोगिता धुलिखेलमा सञ्चालन हुने भएको छ ।मङसिर २६ देखी पुस मसान्तसम्म मेयर कप फुटबल प्रतियोगिता गर्न लागेको हो ।
आकाश भैरब क्लबका अध्यक्ष सुबल चोच्छेले प्रतियोगितामा काठमाडौं, भक्तपुर, काभ्रेपलाञ्चोक, सिन्धुली लगायत जिल्लाबाट १८ टिम दर्ता भएको जानकारी दिनुभयो । बिहीबार पत्रकार सम्मेलन मार्फत दिइएको जानकारी अनुसार नकआउटका आधारमा खेल खेलाइने जनाइएको छ । प्रतियोगितामा पहिलो हुने टिमले दुई लाख र दोस्रो हुने टिमले एक लाख रूपियाँ पुरस्कार पाउनेछन् ।
उत्कृष्ट गोल रक्षक, उत्कृष्ट खेलाडी, सर्वाधिक गोलकर्ताले नगद पाँच हजार सहित सिल्ड, मेडल र प्रमाणपत्र पाउने छन भने प्रत्येक खेलको म्यान अफ दि म्याच हुनेले नगद दुई हजार पाउने छन । क्लबले २०७४ सालदेखि मेयर कप फुटबल प्रतियोगिता सञ्चालन गर्दै आएको छ । प्रतियोगिता धुलिखेलको फुटबल ग्राउण्डमा हुने छ ।
