अमेरिका प्रवेशमा भन्सार छुट पाएका वस्तु नेपालमै उत्पादन गर्न त्यहाँका लगानीकर्ता इच्छुक रहेको अवस्थामा नेपाल अमेरिका बीचको व्यापार तथा लगानी सम्बन्धि बृहत सम्झौताको बैठकमा अमेरिकी अधिकारीले बताएका हुन् । काठमाडौंमा आयोजित सचिव स्तरीय ‘टिफा’ को तेस्रो बैठकमा अमेरिकी अधिकारीसँग छलफलमा लगानीका लागि ऐन, कानून, वातावरण, प्रावधानको विषयमा बैठक केन्द्रित भएको थियो । पछिल्लो समय अमेरिकाले थप ६६ वस्तुलाई भन्सार रहित बजारमा पहुँच दिएको छ । छुट भएका झोला, सुटकेश जस्ता उत्पादनमा धेरै लगानी छैन तर अमेरिकामा यी वस्तुको बजार भने रहेको बैठकमा जनाइएको थियो । बजार सुनिश्चित देखेपछि अमेरिकी लगानीकर्ताले आफैं उत्पादन गर्ने अवसर खोजेका छन् । बनिरहेका ऐन कानुनकोबारे स्पष्ट जानकारी गराउँदै र लगानीको वातावरण रहेकाले लगानी गर्न आग्रह गरिएको वाणिज्य मन्त्रालयका सचिव एवं प्रवक्ता रविशंकर सैंजूले बताए । अमेरिकाले भन्सार छुट पाएका वस्तुका लागि प्राविधिक सहयोग दिन नेपाल तयार रहेको पनि बैठकपछि पत्रकारहरुलाई बताइयो । वाणिज्य मन्त्रालयले नेपाल व्यापार एकीकृत रणनीति २०१६ वस्तु तथा सेवा गरी १२ वटा छनोट गरी एनटीआईएस २०१० संशोधन गर्दै निर्यातका बढी सम्भावना भएका १२ वस्तु तथा सेवाको सूची तयार पारेको छ । त्यस्तै, वस्तुतर्फ ठूलो अलैंची, अदुवा, चिया, औषधी तथा सुगन्धित वनस्पति, कपडा, छाला, जुत्ता, च्याङ्ग्रा, पस्मिना र गलैंचा परेका छन् भने सेवातर्फ रेमिट्यान्स, आईटी तथा आईटी इन्जिनियरिङ र पर्यटन (व्यापार, शिक्षा र चिकित्सा) छनोट गरिएको छ । व्यापार तथा निकासी प्रबद्र्धन केन्द्रको तथ्यांक अनुसार अमेरिका निर्यातको हिसाबले भारतपछिको तेस्रो मुलुक हो । चालु आर्थिक वर्षका सात महिनामा ५ अर्ब ३८ करोड रुपँैयाको निर्यात भएको पाइन्छ । यसरी आयात व्यापारमा अमेरिका आठौं नम्बरमा रहेको तथ्यांकमा रहेको छ ।
